Чыста англійскі фінал
«Манчэстар Юнайтэд» перамог «Барсэлёну», і ў фінале Лігі чэмпіёнаў згуляюць дзьве англійскія каманды.
У аўторак прайшоў паўторны двубой паміж «Манчэстарам Юнайтэд» і «Барсэлёнай».
На родным стадыёне (Олд Трафард) МЮ выйграў 1:0 (першы матч – 0:0). Адзіны гол забіў на 14-й хвіліне матчу Пол Скоўлз.
Такім чынам, нягледзячы на тое, што другі фіналіст вызначыцца ў сераду ўвечары, фінал Лігі чэмпіёнаў будзе выключна англійскім. Бо ў другім паўфінале гуляюць «Чэлсі» і «Лівэрпуль». Дарэчы, у першай гульні гэтых супернікаў на Энфілд Роўд была зафіксавана нічыя 1:1.
Фінал Лігі чэмпіёнаў пройдзе 21 траўня ў Маскве.