«Гэта для мяне свята» — Кабякоў у скуранцы саджаў дрэвы пад Лагойскам ФОТАФАКТ
Прэм'ер-міністр Беларусі Андрэй Кабякоў разам з кіраўніцтвам урада і структурных падраздзяленняў Апарата Савета Міністраў у ходзе рэспубліканскага суботніка саджалі дрэвы на тэрыторыі Козырскага лясніцтва Лагойскага раёна.
«Вельмі важна для кожнага чалавека адчуваць сябе часцінкай краіны, супольнасьці, якая працуе на адзіныя мэты, і гэтыя мэты абсалютна высакародныя», — заявіў Андрэй Кабякоў. Ён распавёў, што для яго асабіста рэспубліканскі суботнік — гэта свята, а таксама магчымасць ненадоўга змяніць від дзейнасці.