Латышонак і Вапа атрымалі высокія ўзнагароды
Кавалерскі крыж Ордэна Адраджэння Польшчы атрымалі прадстаўнікі беларускай меншасці ў Польшчы.
Гэта гісторык Алег Латышонак і старшыня Беларускага саюза ў Польшчы Яўген Вапа. На ўрачыстасці ў Варшаве гэтыя ўзнагароды ім уручыў польскі прэзідэнт Лех Качыньскі.
Беларусы былі адзінай нацыянальнай меншасцю ў Польшчы, якая мела сваё падполле і ў 80-я гады мінулага стагоддзя ўдзельнічала ў змаганні за дэмакратыю.