Чарговы вандалізм мінскіх уладаў: у цэнтры горада замалявалі графіці з катом у шаліку
Яно размяшчалася ў двары па вуліцы Румянцава, насупраць Лінгвістычнага ўніверсітэта. Графіці праіснавала больш за год, цяпер раптоўна яно стала некаму перашкаджаць. Ката ў шаліку намалявала арт-студыя «Тактак».
Раней у розных раёнах Мінска былі замаляваныя высокамастацкія графіці з Васілём Быкавым, вершамі беларускіх паэтаў і Барбарай Радзівіл.