Збоі ў працы банкаўскіх картак магчымыя ўначы 21 мая
Збоі ў працы банкаўскіх картак магчымыя ў Беларусі ўначы 21 мая. Інфармацыя пра гэта размешчаная на сайце Банкаўскага працэсінгавага цэнтра.
Банкаўскі працэсінгавы цэнтр 21 мая з 02.00 да 07.00 будзе праводзіць работы па мадэрнізацыі апаратна-праграмнага комплексу прадпрыемства. У гэты прамежак часу магчымыя перапынкі ў абслугоўванні трымальнікаў картак банкаў, якія карыстаюцца паслугамі Банкаўскага працэсінгавага цэнтра, а таксама ў сетцы арганізацый гандлю (сэрвісу), пунктаў выдачы наяўных, банкаматаў, інфакіёскаў, падлключаных да цэнтра.