Мядзведзь Топа забраўся на першае месца ў галасаванцы на найлепшага тэлевядучага краіны
Кампанія па падтрымцы мядзведзя Топы з «Калыханкі», разгорнутая ў сацыяльных сетках, дае свой плён. Дзякуючы падтрымцы інтэрнаўтаў, папулярны герой выйшаў на першае месца ў галасаванні «Тэлевяршыні—2016».
Па стане на раніцу 18 мая мядзведзь Топа мае 2181 голас (28%), апярэджваючы вядучых праграмы «Раніца. Студыя добрага настрою» на «СТБ». У іх 1964 голасы (25%).
Далёка ззаду засталіся Дзяніс Кур'ян, Алена Спірыдовіч і іншыя тэлевядучыя.