У Беларусі затрымалі абвешчанага ў міжнародны вышук тэрарыста з Расіі
У Беларусі затрымалі абвешчанага ў міжнародны вышук тэрарыста з Расіі. Пра гэта заявіў сёння дырэктар ФСБ Расіі Аляксандр Бортнікаў падчас пасяджэння Савета кіраўнікоў органаў бяспекі і спецслужбаў СНД.
«У выніку рэалізацыі комплексу сумесных аператыўных мерапрыемстваў ФСБ Расіі і КДБ Беларусі на тэрыторыі краіны выяўлены і затрыманы абвешчаны ў міжнародны вышук за дачыненне да міжнароднай тэрарыстычнай арганізацыі грамадзянін Расіі», — сказаў Аляксандр Бортнікаў.
Паводле яго слоў, мужчына ўдзельнічаў у баявых дзеяннях на тэрыторыі Сірыі і планаваў схавацца ў адной з еўрапейскіх краін.