Лукашэнка сёння сустрэнецца з Папам Францішкам
Аляксандр Лукашэнка сёння ў час візіту ў Ватыкан сустрэнецца з Папам Францішкам. На сустрэчы будзе абмяркоўвацца далейшае развіццё супрацоўніцтва Беларусі з Рымска-каталіцкай царквой.
Запланавана таксама сустрэча з Дзяржаўным сакратаром Ватыкана П'етра Паралінам.
Чакаецца, што Аляксандр Лукашэнка наведае выставу «Іканапіс Беларусі XVII-XXI стагоддзяў з калекцыі Нацыянальнага мастацкага музея Рэспублікі Беларусь», якая за некалькі дзён да візіту адкрылася ў музеях Ватыкана.