У ПАР да барацьбы са смаўжамі-шкоднікамі ў вінаградніках прыцягнулі качак ФОТА
У Паўднёва-Афрыканскай Рэспубліцы вінаробы выкарыстоўваюць качак пароды індыйскі бягун для барацьбы са смаўжамі на вінаградніках.
Усе фота: Reuters
Як паведамляе Reuters, кожны дзень атрад качак здзяйсняе «баявы налёт» на вінаграднікі на ферме Vergenoegd у горадзе Стэленбош недалёка ад Кейптаўна.
Іх місія — знайсці і знішчыць тысячы вінаградных смаўжоў, якія пагражаюць ураджаю.
Каля тысячы качак, бегаючы па вінаградніку, знаходзяць з неймавернай дакладнасцю маленькіх смаўжоў, якія ядуць маладую лазу.