ДМК рэкамендуе часова адмовіцца ад перасячэння мяжы праз «Новыя Ярылавічы»
На ўкраінскім мытным посце «Новыя Ярылавічы» часова адсутнічае магчымасць афармлення легкавога і грузавога аўтатранспарту, паведамілі ў прэс-службе Дзяржаўнага мытнага камітэта Беларусі.
Паводле дадзеных, якія паступілі ад мытнай службы Украіны, у сувязі з адмовай інфармацыйнай сістэмы часова адсутнічае магчымасць афармлення легкавога і грузавога аўтатранспарту на мытным посце «Новыя Ярылавічы» Чарнігаўскай мытні — сумежны пункт пропуску «Новая Гута» Гомельскай мытні.
У сувязі з гэтым ДМК прапануе перасякаць мяжу ў пунктах пропуску «Сенькаўка» Чарнігаўскай мытні — сумежны пункт пропуску «Весялоўка» Гомельскай мытні, «Славуціч» Чарнігаўскай мытні — сумежны пункт пропуску «Камарын» Гомельскай мытні, «Выступовічы» Жытомірскай мытні — сумежны пункт пропуску «Новая Рудня» Гомельскай мытні.
Інфармацыю аб аднаўленні афармлення на мытным пасту «Новыя Ярылавічы» Чарнігаўскай мытні можна ўдакладняць у аператыўна-дзяжурным аддзеле Гомельскай мытні па тэлефонах: (80232) 79-21-08, 79-21-09 (кругласутачна).