Куры і высокія госці — у былым аэрапорце «Мінск-1» праходзіць выстава «Белагра»
Былы аэрапорт Мінск-1 аказаўся такім вялікім, што нават уся беларуская прамысловасць і сельская гаспадарка на быццам бы ўздыме не здолела запоўніць усе лётнае поле экспанатамі.
Пасля адкрыцця, калі віп-персоны з'ехалі прэч на чорных лімузінах пад пільным наглядам амапаўцаў у цывільным, народу рэзка паменела. Музыка і спевы грымелі на амаль пустых пляцоўках, а непадалек ад варот купка сур'ёзных мужчын з прэзідэнцкай бяспекі абмяркоўвала з палкоўнікамі МНС рабочыя пытанні. Пэўна, тут чакаюць не толькі наплыву наведвальнікаў, але і важных гасцей.