Мінскі школьнік шпіталізаваны пасля спробы распаліць вогнішча
Мінскі школьнік шпіталізаваны пасля спробы распаліць вогнішча, паведаміў прэс-сакратар Мінскага гарадскога ўпраўлення МНС Віталь Дэмбоўскі.
«Учора каля 19.00 на зялёнай зоне па вуліцы Я.Чачота хлопчык 2004 года, навучэнец 5-га класа, паспрабаваў распаліць вогнішча ў металічнай ёмістасці. Адбылася ўспышка газапаветранай сумесі (ад аэразольнага балончыка)», — сказаў Віталь Дэмбоўскі.
З тэрмічным апёкам галавы, шыі 1-3 ступеняў (3% цела) хлопчык шпіталізаваны ў апёкавую рэанімацыю гарадской клінічнай бальніцы хуткай медыцынскай дапамогі.
Як мяркуецца, прычына здарэння — асабістая неасцярожнасць.