Залева ў Ждановічах: вады па пояс, заліло гандлёвыя павільёны і машыны ФОТА
Фота Сяргея Маліноўскага, kp.by
У другой палове дня 3 ліпеня ў Ждановічах прайшоў моцны лівень: дождж ліў на працягу 20 хвілін. Людзі не маглі выйсці з гандлёвых павільёнаў, а калі лівень спыніўся і дзверы адчынілі, аказалася, што вады было амаль па пояс. Вада затапіла гандлёвыя павільёны, шапікі, машыны… Каля дзясятка аўтамабіляў «патанулі» — кіроўцы адкрывалі дзверцы і вычэрпвалі з іх ваду.