Шлях Продкаў над Бярэзінай — фота Віктара Малышчыца
Фота з фэйсбука Віктара Малышчыца.
Увечары 3 ліпеня ўся Беларусь была пад хмарамі (за акном у мяне дык і ўвогуле страшная залева). Таму для тых, хто сёння засумаваў па зорках — Млечны Шлях над Бярэзінай у Бярэзінскім запаведніку. Як бачыце, лета — не самая лепшая пара для астраномаў. Пакуль на поўдні (справа) яшчэ можна любавацца зоркамі, на поўначы (злева) зоркі ледзь прабіваюцца праз промні неглыбокага Сонца, напісаў у сваім фэйсбуку Віктар Малышчыц.
Дарэчы, Млечны Шлях беларусы колісь называлі яшчэ Шляхам Продкаў.