У Іспаніі ўпершыню за 30 гадоў бык забіў матадора падчас выступу
Смяротных для матадора зыходаў карыды Іспанія не ведала ўжо больш за трыццаць гадоў, з таго часу, як ў 1985 годзе падчас выступу загінуў матадор Хасэ Кубер.
Выступ матадора Віктара Барыё адбываўся ў іспанскім горадзе Тэруэль і трансляваўся па мясцовым тэлебачанні ў прамым эфіры.
На запісы відаць, як бык падкідвае 29-гадовага матадора ў паветра, а затым пранізвае рагамі правы бок яго грудной клеткі.
Дактары адразу ж паспяшаліся на дапамогу тарэадору, але не змаглі яго выратаваць.