У Грэцыі затрыманыя восем чалавек, што збеглі з Турцыі
Турэцкі вайсковы верталёт прызямліўся ў Грэцыі, восем чалавек на борце былі затрыманыя, паведамляе грэчаская паліцыя. Яны папрасілі ва ўладаў Грэцыі палітычнага прытулку.
Грэчаскія СМІ пацвердзілі, што на верталёце знаходзіліся людзі, датычныя да спробы дзяржаўнага перавароту ў Турцыі.
Раней паведамлялася, што мяцежнікам удалося захапіць некалькі верталётаў, два з іх былі збітыя над Анкарой лаяльнай прэзідэнту Турцыі авіяцыяй.
Па апошніх дадзеных, больш за 2800 чалавек былі затрыманыя за дачыненне да спробы дзяржаўнага перавароту ў краіне. Арышты працягваюцца.
Прэм'ер-міністр Турцыі абвясціў, што мяцеж падаўлены, сітуацыя знаходзіцца цалкам пад кантролем турэцкіх уладаў.