Абвалілася частка Вялікай Кітайскай сцяны
Працяглыя моцныя ліўні сталі прычынай таго, што абвалілася частка Вялікай Кітайскай сцяны. Пра гэта інфармуе Beijingguanggao.
Адзначаецца, што пацярпела каля 30 м сцяны. Пашкоджанні атрымаў ўчастак сцяны на адлегласці 50 км ад сталіцы Кітая.
Для ацэнкі пашкоджання на месца прыбылі геолагі і археолагі. Яны дадуць рэкамендацыі, якія работы будуць патрэбныя для аднаўлення сцяны. Таксама спецыялісты ацэняць, ці ёсць небяспека новых апоўзняў.
Вялікая Кітайская — помнік архітэктуры пачатку III ст. да н.э. Яна цягнецца праз горы, рэкі, цясніны, пустыні і даліны, паўтараючы рэльеф мясцовасці. Яе працягласць складае амаль 9000 км, вышыня вагаецца ад 6,6 м да 10 м, шырыня ў верхняй частцы дасягае 5,5 м.