Мюнхен: па людзях страляў 18-гадовы іранец
Reuters.com
Паліцыя Мюнхена паведаміла, што стральбу ў аднаго з гандлёвых цэнтраў горада зладзіў 18-гадовы іранец, які дзейнічаў адзін.
Як паведаміў на прэс-канферэнцыі начальнік паліцыі горада Губерт Андрэ, ён меў падвойнае грамадзянства Германіі і Ірана і жыў у Мюнхене ўжо некалькі гадоў.
Яго цела было знойдзена ў ходзе спецаперацыі прыкладна за кіламетр ад месца трагедыі. Пакуль невядома, ці быў ён забіты паліцэйскімі ці забіў сябе сам. Матывы яго ўчынку таксама трэба высветліць.
Увечары 22 ліпеня ў Мюнхене ля гандлёвага цэнтра «Алімпія» ў раёне Музах на паўночным захадзе Мюнхена невядомы адкрыў страляніну па мінаках, забіўшы дзевяць чалавек.
Раней паступалі звесткі, што нападнікаў было трое.
Па дадзеных уладаў, дзевяць чалавек загінулі і 16 атрымалі раненні, трое з іх знаходзяцца ў крытычным стане.