У нядзелю — цёплае надвор'е і навальніцы
У нядзелю, 24 ліпеня, днём у асобных раёнах Беларусі чакаюцца навальніцы, паведамілі ў Белгідрамеце.
Будзе пераменная воблачнасць. Месцамі пройдуць кароткачасовыя дажджы, днём у асобных раёнах — навальніцы. Ноччу і раніцай месцамі чакаецца слабы туман. Вецер будзе паўночны слабы да ўмеранага, пры навальніцах парывісты.
Тэмпература паветра ўначы складзе ад плюс 13 да плюс 18, днём — 24-29 градусаў вышэй за нуль.