На мінскім заводзе металаканструкцый загінуў рабочы
У суботу 23 ліпеня на тэрыторыі Мінскага завода тэхналагічных металаканструкцый загінуў рабочы. Мужчыну прыціснула шматтонная бэлька. Інфармацыю пацвердзілі ва Упраўленні Следчага камітэта па Мінску.
stal.by
«Суботняй раніцай прыкладна ў 10.30 на прадпрыемстве Мінскага завода тэхналагічных металаканструкцый адбылася пазаштатная сітуацыя, у выніку якой быў смяротна траўмаваны адзін з рабочых. У цяперашні час Партызанскім раённым аддзелам СК высвятляюцца ўсе абставіны здарэння, прызначаны шэраг экспертных даследаванняў», - распавёў афіцыйны прадстаўнік УСК па Мінску Аляксей Клімовіч.
Па выніках праверкі інцыдэнту будзе дадзена прававая ацэнка. Загінуламу было 55 гадоў.
Мінскі завод тэхналагічных металаканструкцый ўваходзіць у структуру ААТ «Прамтэхмантаж». Гэта адно з вядучых прадпрыемстваў Беларусі па вырабе будаўнічых і тэхналагічных металаканструкцый.