У венесуэльскім заапарку 50 жывёлаў памерлі ад голаду
За апошнія паўгода ў заапарку Карыкуаа ў венесуэльскай сталіцы ад голаду памерлі каля 50 жывёл, паведаміла кіраўнік прафсаюза работнікаў заапаркаў Марлен Сіфонтэс.
Паводле яе слоў, некаторыя жывёлы перад смерцю правялі два тыдні без ежы. З-за недахопу мяса ў рацыён львоў і тыграў дадавалі манга і гарбуз, расказала яна агенцтву Reuters.
Венесуэльскія ўлады адмаўляюць, што жывёлы памерлі ад голаду.
У іншых гарадах краіны заапаркі знаходзяцца ў яшчэ больш крытычнай сітуацыі, пішуць СМІ. Супрацоўнікі вымушаны прасіць у мясцовых прадпрымальнікаў мяса і садавіну для жывёл.