Расія павялічыла выдаткі на інфармацыйную вайну ў ЕС на £ 100 млн
Расія павялічвае выдаткі на вяшчанне Russia Today і Sputnik у Вялікабрытаніі больш чым на £ 100 млн (гэта $ 131 млн).
Фота dailysignal.com.
Пра гэта піша The Times.
Крэмль зацвердзіў значнае павелічэнне бюджэту Russia Today і яго англамоўнага канала, а таксама іншых сэрвісаў, у тым ліку Sputnik, які адкрыў штаб-кватэру ў Эдынбургу. Сэрвісы абвінавачваюцца ў распаўсюдзе «канспіралагічных гісторый».
Агульныя выдаткі Расіі на тэлебачанне, радыё і інтэрнэт-сэрвісы за мяжой, паводле прагнозаў, склалі летась £ 151 млн ($ 199 млн), але былі павялічаны да £ 255 млн ($ 336 млн).
Такі рост, як піша газета, звязаны з адкрыццём офіса Russia Today у Лондане.