Зборныя ЗША і Кітая лідзіруюць у заліку Рыа-2016 з 10 залатымі медалямі
На трэцяе месца выйшла Японія. Венгрыя — 5-я.
Reuters.com
Зборныя ЗША і Кітая працягваюць нарошчваць свой адрыў над бліжэйшымі канкурэнтамі ў медальным заліку Алімпіяды ў Рыа.
У актыве гэтых краін ужо па 10 залатых медалёў Гульняў. А на трэцяе месца выйшла зборная Японіі з шасцю ўзнагародамі вышэйшай пробы. Тры «золата» японцы выйгралі ў дзюдо, два - у спартыўнай гімнастыцы і яшчэ адно - у плаванні.
| 1 | ЗША | 10 | 11 | 10 |
| 2 | Кітай | 10 | 5 | 8 |
| 3 | Японія | 6 | 1 | 10 |
| 4 | Аўстралія | 5 | 1 | 5 |
| 5 | Венгрыя | 5 | 1 | 1 |
| 6 | Расія | 4 | 7 | 4 |
| 7 | Паўд. Карэя | 4 | 2 | 3 |
Усяго медалі заваявалі прадстаўнікі 51 краіны. У актыве беларусаў узнагарод пакуль няма. Адзначым, што гэта першы выпадак у гісторыі ўдзелу нашай краіны ў летніх Алімпіядах, калі Беларусь застаецца без узнагарод пасля пяці дзён спаборніцтваў.