Кітай плануе павялічыць імпарт газу амаль у пяць разоў да 2030 года
Да 2030 года Кітай павялічыць імпарт газу да 190—270 млрд кубаметраў супраць 53 млрд у 2015 годзе. Аб гэтым паведамляецца на сайце Кітайскай нацыянальнай нафтагазавай карпарацыі (CNPC), паведамляе ТАСС.
«Павелічэнне паставак газу з-за мяжы дазволіць Кітаю перайсці на выкарыстанне больш экалагічна чыстых крыніц паліва. Гэты працэс з'яўляецца важнай часткай трансфармацыі прамысловага сектара краіны і рэфармавання эканомікі», — гаворыцца ў паведамленні CNPC.
Як адзначаецца, адной з прычын росту імпарту газу ў Кітай стала пагадненне паміж Пекінам і Вашынгтонам, якое абавязвала бакі скараціць выкіды парніковых газаў амаль на траціну на працягу найбліжэйшых 20 гадоў.