З мінскіх акругаў пачалі здымацца праўладныя камуністы
Колькасць кандыдатаў у дэпутаты па мінскіх акругах адразу ж паменела. Свае кандыдатуры знялі двое, і абое — праўладныя камуністы.
Ілюстрацыйнае фота.
На Ясенінскай акрузе №100 перахацела балатавацца дырэктарка школы №207 Кацярына Саўчук. Ад «вертыкалі» тут вылучаецца першая намесніца дырэктара «Гаррэмаўтадора» Аксана Гайдук.
Падобная сітуацыя і на Коласаўскай акрузе №106. Тут зняў сваю кандыдатуру загадчык аддзялення 4-й бальніцы Дзмітры Малашчыцкі. Па гэтай акрузе пераабіраецца Дзмітры Шаўцоў, былы галоўны доктар сталічнай паліклінікі.