У Мінску выяўленая крыніца іанізуючага выпраменьвання
У Мінску была знойдзеная крыніца іанізуючага выпраменьвання, паведаміла прэс-служба МНС.
15 жніўня ў 19.00 сталічным ратавальнікам ад прахожага паступіла інфармацыя пра выяўленне цыліндрычнага прадмета з абазначэннем «Радыяцыйная небяспека» на зялёнай зоне вуліцы Янкі Лучыны.
Работнікі рэспубліканскага атрада спецыяльнага прызначэння МНС, якія прыбылі на месца, правялі замеры магутнасці эквівалентнай дозы непасрэдна ля паверхні, што склала 2 мкЗв/гадз пры норме 0,2 мкЗв/гадз. На адлегласці 1 м радыяцыйны фон быў у норме. Прадмет канфіскаваны.
Пацярпелых і пагрозы радыяцыйнага забруджвання навакольнага асяроддзя няма.