Аліна Талай спатыкнулася аб бар'ер і ў фінал не трапіла
Беларуска Аліна Талай не змагла выйсці ў фінал алімпійскіх спаборніцтваў па бегу на 100 метраў з бар'ерамі.
Мы ўсе з нецярпеннем чакалі гэтага забегу, але замест радасці атрымалі боль і расчараванне. Такое пачуццё, што Аліна Талай перастрахавалася на старце, вельмі дрэнна пачала забег і адкацілася ў самы канец. Але бліжэй да сярэдзіны дыстанцыі пачала выграбаць і, здавалася, да фінішу зойме месца ў запаветнай чацвёрцы (час у забегу выходзіў выдатны).
Але на восьмым бар'еры здарылася самая сапраўдная катастрофа: Аліна зачапіла нагой перашкоду, збіла сама сабе тэмп і фінішавала апошняй з вынікам 13,66.
Пасля забегу Талай, апусціўшы галаву, вельмі хутка пакінула стадыён. Беларуска без фіналу, хоць мы так верылі.
У выніку Талай паказала найгоршы 21-ы час у паўфінале. Ніжэй за беларуску ў выніковым пратаколе толькі тры дыскваліфікаваныя атлеткі.
Reuters.com