Грузавік з 12 пасажырамі ў кузаве перакуліўся ў Астравецкім раёне: адзін чалавек загінуў
Фургон ГАЗ, якім кіраваў вадзіцель 1966 года нараджэння, пры абгоне аўтагрэйдара не справіўся з кіраваннем, аўтамабіль з'ехаў у кювет і перакуліўся на правы бок.
На борце аўтамабіля знаходзіліся 12 чалавек, рамяні бяспекі ў кузаве адсутнічалі. Адзін з пасажыраў ад удару загінуў на месцы.
Кіроўцу пасля здарэння стала дрэнна, аднак пасля агляду медыкі адпусцілі яго дадому. Астатнія пасажыры не пацярпелі.