Пенсіянерка ў Петрыкаве ледзь не загінула на пахаванні маці
У адным з жылых дамоў Петрыкава (Гомельская вобласць) 22 жніўня адбыўся пажар падчас развітання з памерлай жанчынай.
Як паведамілі ў Петрыкаўскім РАНС, пенсіянерка, развітваючыся з памерлай маці, ледзь не загінула сама. Вянкі ля труны памерлай раніцай загарэліся ад свечкі. Пенсіянерка паспрабавала тушыць пажар самастойна, але не змагла: вянкі хутка разгарэліся. Пагасіць полымя дапамаглі мясцовыя жыхары, ратавальнікаў не прыцягвалі.
Пацярпелая была шпіталізаваная з апёкамі 1-2-й ступені, абгарэла каля 13% цела: твар, шыя, кісці рук, плечы. Яна таксама атрымала тэрмічны апёк дыхальных шляхоў. Жанчына знаходзіцца ў цяжкім стане ў апёкавым цэнтры Гомеля.