Нарвегія пабудуе ўздоўж мяжы з Расіяй трохметровы плот
Нарвегія пачала будаўніцтва сцяны на мяжы з Расіяй. Пра гэта паведамляе «Польскае радыё». Яна будзе 3,5 метра ўвышкі.
Адзначаецца, што сцяна будзе пабудавана на памежным кантрольна-прапускным пункце Стурскуг. Яна закліканая абараняць паўночную мяжу Шэнгенскай зоны ад наплыву бежанцаў.
Улічваючы замыканне міграцыйнага калідора, які ляжыць праз Балканы, уцекачы ўсё больш ахвотна выкарыстоўвалі маршрут праз Расею і яе межы з ЕС.
У мінулым годзе арктычны памежны пераход у Стурскугу пераадолела больш за 5,5 тысяч бежанцаў, пераважна выхадцы з Сірыі.
Бар'ер пабудуюць на месцы папярэдняй перашкоды, якая была створана з дрэва і служыла для кантролю колькасці статкаў аленяў падчас іх міграцыі.
Віцэ-міністр юстыцыі Нарвегіі Ове Ванеба запэўніў, што рашэнне аб будаўніцтве сцены з'яўляецца цалкам абгрунтаваным. Аднак гэтую ініцыятыву раскрытыкавалі нарвежская апазіцыя, а таксама арганізацыі, якія займаюцца абаронай правоў чалавека.