П'яны матацыкліст пратараніў патрульную машыну ў цэнтры Мінска
П'яны матацыкліст пратараніў сёння ў цэнтры Мінска патрульную машыну, паведамілі ў сталічнай ДАІ.
ДТЗ адбылося ў раёне вуліц Інтэрнацыянальнай і Леніна. Супрацоўнікі ДАІ зафіксавалі перавышэнне хуткаснага рэжыму з боку матацыкліста. На патрульнай машыне яны паехалі за парушальнікам і перакрылі яму шлях, калі матацыкліст спыніўся на святлафоры.
Але матацыкліст, убачыўшы гэта, пачаў рух і пашкодзіў патрульны аўтамабіль. Затым ён даехаў да вуліцы Леніна і сутыкнуўся там з Audi.
Пасля ДТЗ матацыкліста затрымалі супрацоўнікі спецпадраздзялення мінскай ДАІ. Было ўстаноўлена, што байкер знаходзіцца ў нецвярозым стане. Да ўсяго ў яго не было пасведчання кіроўцы. Правоў матацыкліст быў пазбаўлены за язду ў п'яным выглядзе.