Беларускую дэлегацыю на пахаванні Карымава ўзначаліць Кабякоў
Аляксандр Лукашэнка ў сувязі са смерцю прэзідэнта Узбекістана Іслама Карымава накіраваў спачуванне кіраўніцтву гэтай краіны і ўсяму яе народу, а таксама сям'і і блізкім нябожчыка, паведаміла прэс-сакратар кіраўніка Беларусі Наталля Эйсмант.
Паводле яе слоў, па даручэнні кіраўніка дзяржавы ў жалобных мерапрыемствах ва Узбекістане ў сувязі са смерцю Іслама Карымава прыме ўдзел прэм'ер-міністр Беларусі Андрэй Кабякоў.