У Мінску ДАІ за парушэнне правілаў паркоўкі эвакуявала Rolls-Royce ФОТАФАКТ
У Мінску інспектары ДАІ эвакуявалі за парушэнне правілаў паркоўкі Rolls-Royce. Пра гэта распавяла прадстаўнік ДАІ Цэнтральнага раёна Анастасія Радзько.
— 32-гадовы мужчына прыехаў на Rolls-Royce да парку забаваў па вуліцы Арлоўскай і пакінуў аўтамабіль на тратуары. Інспектары, што прыбылі на месца, і эвакуатар даставілі аўтамабіль парушальніка на штрафстаянку, — сказалі ў ДАІ.
У дачыненні да парушальніка супрацоўнікі ДАІ склалі два адміністрацыйныя пратаколы: за парушэнне правілаў прыпынку і стаянкі, а таксама за тое, што ў мужчыны не было пры сабе дакументаў.
Акрамя Rolls-Royce ў гэты дзень на штрафстаянку адправіліся яшчэ чатыры аўтамабілі, да адміністрацыйнай адказнасці за парушэнне правілаў паркоўкі прыцягнулі больш за 10 кіроўцаў.