Моцны вецер пашкодзіў дахі некалькіх будынкаў у Касцюковічах і Хоцімскім раёне
У выніку шквалістага ўзмацнення ветру 5 верасня пашкоджаны дахі некалькіх будынкаў у Касцюковічах і ў Хоцімскім раёне, паведамілі ў Магілёўскім абласным упраўленні МНС. Вецер дасягаў 15 м/с.
112.by
Пашкоджанымі аказаліся рамонтна-механічная майстэрня Касцюковіцкага лясгаса, склад мінеральных угнаенняў і склад для захоўвання насення ААТ «Кастрычнік-Бярозкі», некалькі жылых дамоў у вёсцы Бярозкі.
На аб'ектах пачаты аднаўленчыя работы.