Экс-міністр спорту пра чыноўніка з расійскім сцягам: Калі яму сказалі памерці, ён памрэ
Былы міністр спорту і турызму Аляксандр Грыгараў, у якога Андрэй Фомачкін, што нёс расійскі сцяг на цырымоніі адкрыцця Паралімпійскіх гульняў, працаваў памочнікам у 2009 годзе, характарызуе яго як дысцыплінаванага і адказнага чалавека.
Reuters.com
«Гэта вельмі дысцыплінаваны і выканаўчы чалавек», — распавёў у чацвер Грыгараў, які ўзначальваў Мінспорту на працягу 2005-2009 гадоў. Паводле яго слоў, Фомачкін — майстар спорту па лёгкаатлетычным дзесяцібор'і, а гэты від спорту «выхоўвае мужных людзей».
«Наогул, ён такі — калі яму сказалі памерці, ён памрэ. Таму я яго і ўзяў тады ў памочнікі», — сказаў Грыгараў.
Ён таксама назваў ўчынак Фомачкіна мужным і годным павагі.