У Мінску п'яны матацыкліст зваліўся на дарозе на вачах у інспектара
ДАІ сталіцы высвятляе абставіны дарожнага здарэння, у якім матацыкліст не справіўся з кіраваннем і ледзь не разбіўся, паведаміла старшы інспектар па агітацыі і прапагандзе аддзела ДАІ Цэнтральнага РУУС Анастасія Радзько.
ДТЗ адбылося насупраць д.58/1 па вул. Арлоўскай. Мужчына, кіруючы матацыклам «Мінск», рухаўся па Старавіленскім тракце з боку вул. Шчадрына ў кірунку вул. Арлоўскай, не справіўся з кіраваннем і ўпаў.
«Побач з месцам падзення знаходзіўся супрацоўнік ДАІ Цэнтральнага раёна, які як раз заступаў на змену. Падышоўшы да матацыкліста, каб аказаць дапамогу, ён адчуў пах алкаголю. Медагляд паказаў у крыві матацыкліста 0,9 праміле. Акрамя таго, у яго ніколі не было пасведчання кіроўцы, а рэгістрацыйны знак належыць іншаму матацыклу», — удакладнілі ў ДАІ.