45 чалавек правялі ноч у кабінках фунікулёра, што зламаўся над Манбланам ФОТАФАКТ
Некалькі дзясяткаў турыстаў вымушаныя правесці ноч у кабінках фунікулёра, што зламаўся над гарой Манблан у французскіх Альпах.
AFP
Першапачаткова на канатнай дарозе затрымаліся 110 чалавек, аднак большасць з іх былі эвакуяваныя з дапамогай верталётаў.
Выратавальная аперацыя была прыпыненая на ноч і адновіцца раніцай у пятніцу.
Паведамляецца, што кабінкі канатнай дарогі па нявысветленых прычынах заблыталіся і спыніліся.
Паводле розных звестак, заблакаванымі на вышыні 3800 метраў застаюцца да 45 чалавек. Ратавальнікі даставілі ім ежу, ваду і коўдры.
У аперацыі прымаюць удзел ратавальнікі з Францыі, Італіі і Швейцарыі. Яны задзейнічалі тры верталёты.