На Палессі зацвілі вішні ФОТАФАКТ
Фатаграфію з квітнеючай вішні ў рэдакцыю Медыя-Палесся даслала чытачка са Століншчыны.
— Ведаю, што каштаны могуць па другім разе цвісці, але каб вішні цвілі — ніколі не бачыла, — напісала чытачка.
Па словах біёлагаў, дрэвы паўторна цвітуць з-за таго, што блытаюць вясну і восень. У навуцы гэта з'ява называецца другая вегетацыя.
Спецыялісты адзначаюць, што калі цвіце пладовая расліна, то такiя несезонныя кветкі трэба абрываць, бо ўлетку можа не быць пладоў.