Прах амерыканскага пісьменніка Трумэна Капотэ прадалі з аўкцыёну за $45 тыс.
Гэты фотаздымак Трумэна Капотэ зроблены ў 1966 годзе.
Частку праху вядомага амерыканскага пісьменніка Трумэна Капотэ прадалі на аўкцыёне ў Лос-Анджэлесе за $45 тыс.
Арганізатарам таргоў стаў аўкцыённы дом Julien's Auctions, які атрымаў скрынку з прахам пісьменніка ад яго сяброўкі Джаан Карсан, якая памерла ў мінулым годзе.
«У аўкцыёне бралі ўдзел людзі з Расіі, Германіі, Кітая, Паўднёвай Амерыкі і адсюль, з ЗША», — распавёў прадстаўнік аўкцыёну, адмовіўшыся назваць імя пакупніка.
Паводле яго слоў, на момант смерці пісьменніка ў 1984 годзе ва ўзросце 59 гадоў яго прах мог каштаваць $6 тыс. Продаж за $45 тыс. ён лічыць вельмі выгадным.
Сярод найбольш вядомых твораў Капотэ — навэла «Сняданак у Ціфані» і дакументальны раман «Цынічнае забойства».