Сярэдні заробак у Польшчы — 700 еўра, у Літве — 600 еўра, а ў Беларусі — менш за 300 еўра

рэйтынг постсацыялістычных краін

Паводле падлікаў Белстата, па стане на жнівень сярэдні заробак у краіне «бруднымі» складаў 750,3 беларускага рубля. Наколькі гэта многа ў параўнанні з іншымі еўрапейскімі краінамі?

Паколькі самая распаўсюджаная валюта на кантыненце — гэта еўра, таму падлікі прыводзяцца менавіта ў гэтай валюце.

Аддаўшы дзяржаве падаткі, сярэдні беларус застанецца з 297 еўра на руках.

Нашмат меншыя грошы маюць работнікі ва Украіне і Малдове. У гэтых краінах надзвычай высокі ўзровень шэрай эканомікі, таму частка даходаў схаваная ад дзяржавы.

Нізкія цэны на нафту апусцілі і дабрабыт жыхароў Азербайджана. Цяпер у гэтай краіне заробкі нават ніжэйшыя за суседнія Арменію і Грузію, дзе амаль няма прыродных рэсурсаў.

Большасць балканскіх краін год за годам трымаюцца на адным узроўні — 360-380 еўра. Апошнім часам вырвалася наперад суседняя Румынія. Цікава, што румыны зарабляюць больш за расейцаў.

Самая паспяховая краіна былога СССР — маленькая Эстонія, дзе сярэдні заробак скача вакол 1000 еўра. Ну а сярод усіх постсацыялістычнай краінай Еўропы найбагацейшай застаецца Славенія. Толькі тут заробак перадолеў чатырохзначную псіхалагічную мяжу.

Заходнія суседзі Беларусі трымаюцца на ўзроўні 600-700 еўра «чыстымі». Польшча сярод іх самая багатая, пасля ідуць Латвія і Літва.

Каментары да артыкула