У Турцыі не хапае будынкаў судоў праз масавыя арышты
Турцыі можа спатрэбіцца будаўніцтва новых будынкаў для судоў, каб праводзіць тысячы новых разглядаў, заявіў міністр юстыцыі краіны Бекір Боздаг.
«Мы пабудуем новыя будынкі судоў, калі спатрэбіцца», — сказаў кіраўнік міністэрства юстыцыі, удакладніўшы, што адзін новы суд ужо будуецца ў горадзе Сінкан, побач з Анкарой.
У той жа час ён дадаў, што не чакае масавых судовых працэсаў з «тысячамі адвакатаў».
Заява кіраўніка мінюста прагучала на фоне новых арыштаў па ўсёй краіне, у выніку якіх колькасць узятых пад варту па падазрэнні ў дачыненні да спробы путчу 15 ліпеня дасягнула 32 тысяч.