Стала вядома імя нобелеўскага лаўрэата па фізіялогіі і медыцыне
Стартаваў нобелеўскі тыдзень. Сёння нобелеўскі камітэт назваў імя нобелеўскага лаўрэата па медыцыне і фізіялогіі.
Ім стаў малекулярны біёлаг з Такійскага тэхналагічнага інстытута Ёсіноры Асумі «за адкрыццё механізмаў аўтафагіі» — працэсу разбурэння кампанентаў клеткі ўнутры яе.
Аўтафагія з'яўляецца адным з спосабаў пазбаўлення клеткі ад непатрэбных кампанентаў. З парушэннямі гэтага працэсу звязаныя розныя захворванні.
У аўторак і сераду будуць названыя нобелеўскія лаўрэаты па фізіцы і хіміі. У пятніцу — прэміі міру. У чацвер, звычайна, называюць нобелеўскага лаўрэата па літаратуры.