У Мінск прыехаў супрацоўнік Дзярждэпартамента Мэт Блевінс
У Мінску з рабочым візітам знаходзіцца супрацоўнік упраўлення Усходняй Еўропы Дзярждэпартамента ЗША Мэт Блевінс.
«Праходзіць візіт працоўнага ўзроўню прадстаўніка Дзярждэпартамента, які нядаўна атрымаў прызначэнне, звязанае у тым ліку з Беларуссю», — паведамілі ў пасольстве ЗША ў Мінску.
Іншыя падрабязнасці візіту, у тым ліку аб запланаваных сустрэчах, у дыпмісіі не паведамляюць.
На гэты момант вядома, што ўвечары 5 кастрычніка Блевінс сустрэнецца з лідарамі правацэнтрысцкай кааліцыі. Пра гэта паведаміў сайт Аб'яднанай грамадзянскай партыі.