Сіноптыкі прагназуюць узмацненне ветру і мокры снег
Узмацненне паўднёва-ўсходняга ветру парывамі да 15—18 м/с прагназуецца ў асобных раёнах Беларусі 24 кастрычніка, паведамілі БелТА ў Рэспубліканскім гідраметэацэнтры.
На большай частцы краіны будзе воблачна з праясненнямі. Пераважна па заходняй палове чакаюцца дажджы, у асобных раёнах з мокрым снегам.
Тэмпература паветра ўначы складзе 0…+ 6 градусаў, па ўсходзе будзе да -1 градуса. Днём чакаецца ад 1 да 6 градусаў цяпла, па паўднёвым захадзе — да +8 градусаў.