Ва Украіне дэмантавалі апошні помнік Леніну
Апошні на тэрыторыі, падкантрольнай Кіеву, помнік Леніну дэмантавалі ў горадзе Ноўгарад-Северскі Чарнігаўскай вобласці.
Манумент знеслі ў ноч на 24 кастрычніка. «Мясцовыя ўлады не спяшаліся выконваць закон аб дэкамунізацыі, зрэшты, грамадскія актывісты «даціснулі» чыноўнікаў», - гаворыцца ў тэлесюжэце.
Знесены помнік пакуль змясцілі на захоўванне - яго выставяць на продаж. Калі пакупніка на скульптуру не знойдзецца, яе адправяць на пераплаўку.