Ад 1 лістапада вырасце памер дапамогі на дзяцей да трох гадоў
Ад 1 лістапада ў Беларусі вырасце памер дапамогі, якую выплачваюць бацькам, што знаходзяцца ў адпачынку па даглядзе дзіцяці ва ўзросце да трох гадоў. Сумы выплат павялічацца ад 7,87 да 10,12 рубля ў залежнасці ад колькасці дзяцей у сям'і.
Дапамогу бацькам, якія знаходзяцца ў дэкрэтным адпачынку, пераглядаюць раз у квартал. Яе памер залежыць ад сярэднямесячнай зарплаты за папярэднія тры месяцы. Калі «палучкі» за справаздачны перыяд зменшыліся, дапамогу на дзіця да трох гадоў не павышаюць, а пакідаюць на ранейшым узроўні.
У ліпені-верасні сярэдні заробак у Беларусі павялічыўся да 743,6 рубля. Гэты паказчык на 22,5 рубля больш, чым у другім квартале.
Памеры дапамог па даглядзе за дзіцем да трох гадоў, у рублях
| від дапамогі | памер ад заробку за квартал | стане з 1 лістапада | які памер дапамогі цяпер |
| на першае дзіця | 35% | 260,26 | 252,39 |
| на другое і наступных дзяцей | 40% | 297,44 | 288,44 |
| на дзіця-інваліда | 45% | 334,62 | 324,50 |
На першае дзіця дапамога вырасце на 7,87 рубля, на другога і наступных - на 9 рублёў, а на дзіця-інваліда - на 10,12 рубля.
Новы памер дапамог будзе дзейнічаць да 1 лютага наступнага года.
Нагадаем, у апошні раз дапамогу для бацькоў, якія знаходзяцца ў адпачынку па даглядзе дзіцяці да трох гадоў, узнімалі з 1 жніўня.
З 1 лістапада таксама зменіцца і бюджэт пражытачнага мінімуму, да якога прывязаны ў тым ліку аднаразовыя выплаты ў сувязі з нараджэннем дзіцяці.