IKEA ў Нарвегіі стварыла «дом сірыйскіх бежанцаў» проста пасярод сваёй крамы ФОТЫ
Не сакрэт, што шматлікія брэнды не абыходзяць увагай і глабальныя праблемы чалавецтва. Адной з апошніх яскравых акцый адзначылася кампанія IKEA. У нарвежскім горадзе Слепендэн пры дапамозе Чырвонага Крыжа IKEA стварыла дакладную копію дома ў Дамаску проста ўнутры крамы.
Акцыя звяртае ўвагу на жудасныя ўмовы, у якіх жывуць сірыйцы ці бежанцы з Сірыі.
Праект называецца «25 квадратных метраў Сірыі». Пакой, які рэканструявала IKEA, з'яўляецца дакладнай копіяй дома, што належыць жанчыне Рана і яе сям'і з дзевяці чалавек.