Аляксандар Глеб: «Аддаю перавагу Барсэлёне»
На партале tut.by прайшла онлайн‑канфэрэнцыя з паўабаронцам зборнай Беларусі Аляксандрам Глебам і ягонай жонкай Насьцяй Касянковай.
Натуральна, што наведнікаў вельмі цікавіў таксама далейшы клюбны лёс беларускага футбаліста. Ужо амаль два месяцы цыркулююць чуткі, што наступным прыстанкам паўабаронца лёнданскага «Арсэналу» будзе ці «Мілян», ці «Рэал», ці «Барсэлёна», а то і мюнхэнская «Баварыя».
А. Глеб расставіў кропкі над «і», рассказваючы пра свой далейшы лёс?
Я пакуль яшчэ ня ведаю. Вядуцца перамовы з 2 клюбамі. У найбліжэйшы час ўсё павінна вырашыцца. Я аддаю перавагу «Барсэлёне».