Штайнмаер афіцыйна аб'яўлены кандыдатам у прэзідэнты Германіі
Франк-Вальтэр Штайнмаер сёння афіцыйна быў прадстаўлены грамадскасці ў якасці кандыдата на пасаду прэзідэнта ад лідараў кіруючых у Германіі партый, перадаюць інфармацыйныя агенцтвы.
dw.de
Паводле заявы канцлера ФРГ Ангелы Меркель, Штайнмаер — «ідэальны прэтэндэнт, якому давярае большасць немцаў».
У сваю чаргу сам Штайнмаер у адказ на вылучэнне сказаў, што «мае намер узяць на сябе адказнасць», звязаную з пасадай кіраўніка дзяржавы.
Выбары прэзідэнта Германіі запланаваны на 12 лютага будучага года. Яны пройдуць на пасяджэнні Федэральнага сходу, які складаецца з дэпутатаў Бундэстага і прадстаўнікоў парламентаў федэральных зямель.
Публікуецца ў межах спецыяльнай рубрыкі «Навіны Германіі»