Пальчыс падзякаваў усім, хто падтрымліваў яго і каго цяпер за гэта судзяць
Шчыра ўдзячны ўсім, хто пікетаваў Мінскі Гарадскі Суд, напісаў блогер Эдуард Пальчыс у сваім фэйсбуку пасля суда над удзельнікамі пікетаў у яго падтрымку.
Фота: facebook.com/eduard.palchys.x
«Такім чынам, вынік сённяшніх адміністрацыйных судзілішчаў за пікеты ў маю падтрымку:
Алесь Макаеў — 50 базавых
Леанід Кулакоў — 50 базавых
Віктар Кулак — 30 базавых.
Характэрна, што ва ўсіх выпадках суддзі адмовіліся весьці разбіральніцтва на беларускай мове.
Вельмі ўдзячны ўсім, хто пікетаваў Мінскі Гарадскі Суд. У эпоху сацсетак, кожнае дзеянне ў рэальным свеце становіцца значна больш каштоўным.
Спадзяюся, падаткавікі ўлічаць, колькі грошай у казну прынёс мой працэс, і пазбавяць ад пабораў за дармаедства», — дасціпна іранізуе Пальчыс.